"Sfigá handicapá de merda va a romper i coioni da qualche altra parte"

Prego de no scandalizarse per la frase riportada qua de soto, e no fazo de tuti un minestron, ma basta frequentar un do posti bazzicai dai Nostri giovini per sentir frasi de sto tipo. Posso anche dir che no xe quastion de rioni specifici, ghe ne go giradi tuti, xe proprio question de zerte teste mate.

"Sfigá handicapá de merda va a romper i coioni da qualche altra parte e tirite fora dele bale, che qua nissun te caga."

Questo, o roba del genere,  xe quel che sa dir certi fighetti de bona famiglia, quei che se senti tanto sgai da ritenerse in diritto de disprezar, denigrar,offender e scazar via i muleti un poco mona o handicapai. 

Auguro alle famiglie de quei stronzetti de renderse conto che i sta tirando sù dei mostri de cinismo, menefreghismo,cattiveria e anche un tantin de sadismo, se volemo dirla tutta.

 E ghe digo a quela mularia che me dispiasi assai per lori, perchè nella vita chi spuda velen anche se lo magna e che handicapá uno nassi, ma  lo pol anche diventar, xe un mar de muli disfai o schizai a causa de sciòchetoni in moto o in auto, e xe tante altre disgrazie che pol capitar in tela  vita e come go avù za modo de dirlo più volte, adesso lo urlo...NISSUN XE IMMUNE.

Esser handicapai xe una malattia spesso anche cronica, inveze de stronzagine acuta se pol sempre guarir!!!

Maila Rossin